Duesma mondo-milito

Poll without page-refresh

Create your own web poll

Article on other languages:

Indexo

1 Mondo ante 2ma mondo-milito
- 1.1 1939
2 Eventi di 2ma mondo-milito
- 2.1 1939
- 2.2 1940
- 2.3 1941
- 2.4 1942
- 2.5 1943
- 2.6 1944
- 2.7 1945
3 Mondo depos 2ma mondo-milito

Mondo ante 2ma mondo-milito

Eventi di 2ma mondo-milito

1939

1 di septembro – Germana armeo atakas Polonia.
3 di septembro – Unionita Rejio e Francia deklaras milito kontre Germania.
17 di septembro – Soviet-Uniono partoprenas en divido di Polonia, debuto di vorto-milito.
30 di novembro – Soviet-Uniono atakas Finlando, e vintro-milito komencas. Soviet-Uniono formacas marioneto-rejimo di Otto Wille Kuusinen por Finlando, ma Finlandani unionas ad ol.

1940

13 di marto – Vintro-milito inter Finlando e Soviet-Uniono finas per paco-ligo en Moskva. Finlando mustas donar areo a Soviet-Uniono.
9 di aprilo – Germania atakas Dania, quo kapitulacas subite, e Norvegia, quo finas lua rezisto en mayo.
10 di mayo – Germania atakas Belgia e Nederlando.
12 di mayo – Germania atakas Francia, quo kapitulacas pos sep semani (22 di junio).
4 e 5 di junio – Pro tre rapida avancado di Germana armeo, tra Dunkirk evakuesas c. 320.000 Britaniani e Franci ad Anglia. Omna equipo esas perdita.
10 di junio – Benito Mussolini en Italia deklaras milito a Francia ed Unionita Rejio.
en agosto – L’ aero-forco di Germania bombardas severe sud-esta Anglia (Anglia-batalio).
28 di oktobro – Italia atakas Grekia, ma l’atako ne sucesas.
27 di septembro – Germania, Italia e Japonia subskribas kontrato di axo-stati.
22 di novembro – Finlando permisas Germania transportar supleanta trupi tra Finlando a Norvegia.

1941

en marto – Usa lugas militala equipo ad Unionita Rejio por milito kontre Germania.
3 di aprilo – Germaniana trupi komandita da Erwin Rommel atakas Britaniani en Nord-Afrika.
6 di aprilo – Germania atakas Yugoslavia e Grekia.
en mayo – Finlando kontraktas kun Germania pri kunlaboro pro posibla atako da Soviet-Uniono.
22 di junio – Germania atakas Soviet-Uniono (t.d. operaciono "Barbarossa").
25 di junio – Finlando partoprenas kom ”armo-frato” kun Germania, kande Sovietiana aeroforco bombardas anke Finlandana sulo. Prolongo-milito inter Finlando e Soviet-Uniono komencas.
4 di septembro – Germani siejas Leningrad. La siejo duros 900 dii.
1 di oktobro – Finlandani konquestas Petrozavodsk (en Fina: Petroskoi) en Est-Karelia.
dum oktobro – Germania komencas atako kontre Moskva ma Sovietiani kontr-atakas ye 5 di decembro kun siberiana elita trupi.
dum novembro – Usa embargas petrolo a Japonia.
7 di decembro – Floto di Japonia atakas Usana bazo Pearl Harbor en Havayi.
11 di decembro – Germania deklaras milito ad Unioninti, pro instigar Japonia durigar milito a Soviet-Uniono.
25 di decembro – Britaniana kolonio Hong Kong kapitulacas a Japoniani. Dum sequanta monati Japonia konquestas tota sud-est Azia (por ex. Singapur, Burma, Filipini).

1942

15 di februaro – Japonia konquestas Singapur.
18 di aprilo – Unesmafoye kelka usana aeroplani bombardas Tokio.
30 di mayo – Britani atakas unesmafoye kun mil aeroplani a Köln.
de 3 til 6 di junio – Kombato en Midway. Usana aeroplani vinkas Japoniana floto.
2 di junio – Germania konquestas Sevastopol en Krimea.
17 di julio – Germania komencas atako kontra Stalingrad. Sovietiana armeo kontr-atakas en novembro.
en oktobro e novembro – En nord Afrika Britaniani forchasas Germani ek El Alamein e chasas li.
8 di novembro – Britaniani ed Usani rivovenas en Franca Nord-Afrika.

1943

23 di januaro – Unioninta Povi konquestas Tripoli, la lasta Italiana urbo en nord Afrika.
27 di januaro - L'unesma atako da Usani per aeroplani a Germania.
2 di februaro – Exhaustinta trupi Germaniana kapitulacas apud Stalingrad.
en mayo – Germana ed Italiana trupi fugas de Nord-Afrika.
en julio – Sovietiani vinkas granda tanko-kombato apud Kursk.
27–28 di julio – Fairala burasko en Hamburg pro aerala bombardo da Unioninti.
10 e 11 di julio – Unioninta Povi rivovenas Sicilia.
25 di julio – Benito Mussolini mustas rezignar.
2 di septembro – Unioninta Povi rivovenas kontinentala sulo Italiana.

1944

6 di januaro – Sovietana trupi atingas Polonia.
22 di januaro – En Italia Unioninta Povi acencas Anzio.
februaro – Soviet-Uniono bombardas Helsinki tota monato pro forsar Finlando paktar pri paco. Per komploto Soviet-Uniono bombardas ne-korekta loko e nur 146 homi mortas.
4 di junio – Unioninta Povi eniras Roma, quon Germani ne destruktis retretante.
6 di junio – En Francia Unioninta Povi rivovenas Normandia.
9 di junio – Soviet-Uniono komencas severa atako en Kareliana Istmo kontra Finlando.
23 di julio - Sovieta armeo liberigas la koncentreyo di Majdanek en Polonia.
en agosto – Reda Armeo penetras Prusia e Polonia.
25 di agosto – Paris esas liberigita.
4 di septembro – Finlando ligas armistico kun Soviet-Uniono. Mezal-paco komencas en 14 di septembro.
15 di septembro – Finlandana trupi komencas milito kontre retretanta Germani en Laponia.
de 16 til 25 di decembro – En Ardeni, Francia, lasta kontr-atako da Germania febleskas.

1945

17 di januaro – Soviet armeo konquestas Warszawa.
27 di januaro – L' enkarcerigiti di la koncentreyo Auschwitz-Birkenau esas liberigita da Sovieta trupi.
13–14 di februaro – L' Unioninti bombardas Dresden tre severe.
3 di marto – Finlando deklaras milito kontre Germania. La kombati komencis ye antea autuno, ma erste nun on konstatas la reala situaciono.
7 di marto – En Germania Usana armeo trairas Rheno.
4 di aprilo – Westa unioninti komencas atako pro liberigar Nederlando.
9 di aprilo – La granda kombato en nord Italia.
13 di aprilo – Reda Armeo konquestas Wien.
16 di aprilo - Soviet-Uniono komencas la lasta atako kontre Berlin.
25 di aprilo – Milito inter Finlando e Germania finas en Laponia.
28 di aprilo – Italiana partizani exekutas Benito Mussolini e lua amanto Clara Petacci, e pozigas la kadavri en Milano che Piazzale Loreto.
30 di aprilo – Adolf Hitler suocidas en Berlin.
2 di mayo – Sovieta soldati elevas la reda flago sur la tekto di Parlamento di Germania.
4 di mayo – Milito finas en nordwest Europa, kande Germana delegitaro subskribas l’ akto pri paco en Lüneburg.
7 di mayo – Generalo Alfred Jodl subskribas la pakto pri finala kapitulaco en Reims, Francia.
8 di mayo – En Europa la milito finas oficale.

Dum finala kapitulaco nacisti sempre okupis arei en Chekia e Austria. En nordo nacisti havis tota Norvegia e Dania e nordala parto di Nederlando. En Chekia (Bohemia) nacisti sempre kombatis multa dii pos la kapitulaco. En Baltiko (Kuria) Germani kombatis til 10 di mayo. En Yugoslavia lasta pafo esis en mez-mayo.

6 di agosto – En Japonia l'unesma atoma bombo esas faligita super Hiroshima.
8 di agosto – Soviet-Uniono deklaras milito kontra Japonia.
9 di agosto – Atom-bombo explozas super Nagasaki.
14 di agosto – Japonia kapitulacas ad Usa ed altra Unioninta Povi. La duesma mondomilito finas.

Mondo depos 2ma mondo-milito

La quanto dil mortinti en duesma mondo-milito esas shokebla. Hike esas kolektita kelka pragmati:

**mortinti en duesma mondomilito**
lando	soldati	civili
Soviet-Uniono	19.180.000	7.420.379
Germania	3.500.000	2.760.000
Polonia	?	5.680.000
Chinia	2.050.000	7.750.000
Japonia	1.300.000	672.000
Yugoslavia	300.000	1.200.000
Rumania	295.000	?
Usa	292.000	?
Britania	264.000	?
Francia	210.000	350.000
Hungaria	200.000	290.000
Grekia	?	325.000
Chekoslovakia	?	294.000
Finlando	82.000	2.000
entote en mondo	c. 28.200.000	c. 27.300.000

Pos la milito la relati inter anteriora unioninti divenis tensinta. Komunismo expansis su en est Europa per helpo da Soviet-Uniono. Westala unioninti, Usa, Britania, Francia, pozis su defendar kapitalismo e demokratio. Kolda milito komencis.

Obtenita de "http://io.wikipedia.org/wiki/Duesma_mondo-milito"

Kategorio: Duesma mondo-milito

This article is from Wikipedia. All text is available under the terms of the GNU Free Documentation License.